හිනාවෙන්න

මොන රෙද්දකට හාඩ් එකේ තියන් ඉන්නවද කියල හිතුනා, කාට හරි බලන්නත් එපැයි කියල ඔන්න දැම්මා.

නන්දා මාලිනියගේ තවත් සුන්දර ගායනයක්,,

අහස ගුගුරා.....
අකුනු ගුගුරා....
මගේ හිත වැන්දබු උනා.....

වසා ගන් දොර මගේ හිමියනි
නුබට රිසි නම් යන්ට යන්නෙමි.....

කාලයක් නැති තාලයක් නැති....
විජිතයේ.....
කටු ඔටුනු හැර යමී.....
කාලයක් අපි ආදරයෙන් සිටි සොදුරු මතකය අරන් යන්නෙමි.....

වසා ගන් දොර මගේ හිමියනි
නුබට රිසිනම් යන්ට යන්නෙමී.....

බැන්ද රන් දම්, මගේ ගෙල වට.....
මුදා විසිකොට අඩන අහසට.....
මගේ සිහිනයේ නුබ නිදන් කොට කුරුටු ගී දසක් ලියන්නෙමි.......

වසා ගන් දොර මගේ හිමියනි නුබට රිසිනම් යන්ට යන්නෙමී.......
වසා ගන් දොර මගේ හිමියනි නුබට රිසිනම් යන්ට යන්නෙමී.......

  Theme song of Aga Pipi Mal teledrama by malithkushanh



මම මේ සින්දුව ඇහුවෙ ස්වර්ණවාහිනියෙ නැවත විකාශයක් උන 'අග පිපි මල්' නාට්‍යයේ තේමා ගීතය විදියටයි. කවුද කියනව වගේ 'මගෙ බොක්කටම වැදුනා' කියන්න පුලුවන් ජාතියෙ සින්දුවක්. පට්ට ආ, අඩේ මෙච්චර ලස්සනයි කියල තේරුනෙ ඔක්කොම ඇහුවට පස්සෙ. එහෙනන් අහන්න, කමන්ට් එකක් දෙන්න අදහසක් එක්ක. ජය වේවා !!

ගාමින්ද විසින් මාක් මාමට ලියමි, (2)

මාක් මාමා වෙත ,

  අනෙ අම්මපා තොට දෙවනි සැරේටත් ලියන්න වුන එක ගැන මම කනගා‍ටුවෙමි. කලින් ලියුම ලියන්න කලින් මම මෙය දැක්කනම් එක ලියුමෙන්ම තොපට බැනුම් ඇසීමට තිබුනි. නමුත් අවාසනාවකට මා මෙය ප්‍රමාධ වී දු‍ටු නිසා තොට බැනීමට තවත් ලියුමක් ලියමි. ‍තෝ අද දින (දින කිහිපයකට පෙර වීමට පුළුවන) මූනුපොතට තවත් නවතම පහසුකමක් එකතු කරන ලදී. එනම් Poll එකක් ය. දැන් මේ මඟුල නිසා අපිට වෝල් එක කිසිම අපහසුවකින් තොරව කැත කර ගැනීමට ඔබ නොමිලේ ඉතාමත් ලේසියෙන් අවස්ථාව දී ඇත. *** Commented On a Photo of You කියාද *** Metioned you in comment කියාද එන නොටි‍ෆිකේශන් 200ක් 300ක් වැනි ඉතා අල්ප ගනණක් එන නිසා ඒ ගැන දුක හිතී තොප කල මේ අමන ක්‍රියාව මා තරයේ හෙලා දකිමු. මා සිතන විදිහට තොපවිසින්ම සෑදූ මේ සමාජ ජාල වෙබ් අඩවිය සමාජ ජාල වෙබ් අඩවියක් බව තොපට අමතක වී ඇත. මෙය Poll දාන්න Elakiri වැනි ෆෝරමයක්ද, බ්ලොගියක්ද නොවන බව මතක් කිරීමට කැමැත්තෙමු. තොපට Poll වලට ඔය තරම්ම ආශාවක් තිබේ නම් තොට මේ මූනුපොත හරහා ලැබෙන මහා ධනස්කන්ධයෙන් පෞද්ගලික වෙබ් අඩවියක් සාදාගෙන එය වැසෙන සේ Poll පමණක් දාගත්තා නම් මැනවි. යාලුවෙක් සමඟ සතු‍ටු සාමිචියේ යෙදී, අයෙක්ව හෑල්ලුවට ලක් කර හීන් ආතල් එකක් ගැනීමට මෙහි පැමිණෙන අපගේ ලේ සෙල්සියස් අංශක 1000 ට පමණ උණුසුම් වන ක්‍රියාවන් කරන්නේ මෙය තොපගේ පෞද්ගලික බූදලයක් යැයි සිතාගෙනද යන්න මම නොදනිමි. තවද විශේෂයෙන්ම කිව යුතු කාරණයක් ඇත. එනම් මේ මූනුපොතේ පසුබිම් වර්ණයයි. තොප වර්ණ අන්ධතාවයෙන් පෙලෙන මිනිසෙකු බව මා දැනගත්තේ මේ ලඟදීය. තොපගේ වර්ණ අන්ධතාවය මෙහි පසුබිම් වර්ණය නිල් ලෙස යොදාගැනීමටද හේතුවක් වූ බව මම දැනගත්තේ ලඟදීය. මා දන්නා ලෙසට මෙම මූනුපොත මිලියන 500 කට අධික පිරිසක් භාවිතා කරති. තොපගේ වර්ණ අන්ධතාවය එම මිලියන 500 ක් වූ ජනයාගේ පිට පටවන්නාක් මෙන් මූනුපොතේ වර්ණය නිල් ලෙස යොදාගැනීම මම තරයේ හෙලා දකිමු. තොපට නිල් පැහැය ඕනෙ නම් ලංකාවේ ඡන්දය පවතින සමයක එක්සත් ජනතා නිදහස් සන්ධානයේ පක්ශ කාර්්‍යාලයක් ලඟට වී ඒ දෙස බලා සිටිනු යෙහෙකි. නැත්නම් තොප මූනුපොතට නෑවිත් සිටියාට කම් නැත.

  මා මේ ලියුම ලියන්නේ තොපගේ වර්ණ අන්ධතාවය ගැන කීමට නොවේ. තොපගේ මූනුපොතට එක් කල Poll එක ගැන කීමටය. තොපට කූඹියෙකුට තරම් වත් මොලයක් ඇත්නම් දෙයක් මූනුපොතට එක් කිරීමට පෙර ඒ දෙය එක් කලොත් වන දේ ගැන සිතා බලන්න. නිකන් එහෙං මෙහෙං ඇහිඳ ගෙන අහුවෙන සෑම කුණුගොඩක්ම මේක අස්සෙ එබීම මූනුපොත ජනප්‍රිය වීමට ඉවහල් වනවා යැයි සිතනවා නම් තොප වැනි අධම, අඥාන, කුප්ප මිනිසෙක් මේ ලොවේ කිසිම තැනක නැත. තොප මෙම Poll එක මේ ලියුම ලැබී
පැය 72ක් ඇතුලට ඉවත් නොකලහොත් මා තොපව ලිබියාවට පිටමං කර ගඩා‍ෆි යා ලවා ගෙල වැලලා මරවමි.

  මේ ගැන තවත් කථා කිරීමට ගියහොත් මාගේ රුධිරයේ උනුසුම වැඩිවී සියොලඟින් දහදිය වැගිරෙනවා මිස වන සෙතක් නැත. එම නිසා මා මෙය මින් නවත්වමි.


                                                                                                                           මෙවරත් පිටපත මහින්ද අබේසුන්දර මාමාගෙන්

ගාමින්ද විසින් මාක් මාමාට ලියමි, (1)

 මාක් මාමේ,

    මාක් මාමේ. ඔබට කැම්පස් එකට වී ඉගෙන ගන්නවා වෙනුවට නිකං ඉන්න බැරි අමාරුවකට හදපු මූනුපොත නිසා අප විඳින දුක දන්නේ අප පමණි. එක් අතකින් මෙය ඔබට නොවැටහෙන එක ගැන අප පුදුම නොවෙමු. මන්ද යත් ඔබට පෙනෙන්නේ ඔබ මසකට උපයන මිලියන බිලියන ගනන් මුදල් නෝට්‍ටු පමණි. ඔබ ඔබගේ මේ සමාජ ජාලය ට පසු ගිය දින කිහිපය තුල නවතම පහසුකම් ‍රැසක් එක් කල බව අපි දු‍ටුවෙමු. එහි හොඳක් ඇත. නමුත් ඉන් හොඳකට වඩා අපට මහත් කරදරයක් සිදුවෙයි. ඉන් එකක් ලෙස Comment සඳහා මිතුරන්ව ටැග් කිරීමේ පහසුකම හඳුන්වා දිය හැක. මෙතෙක් කලක් තිබුනේ වීඩියෝ වලට, පින්තූර වලට සහ බිත්තියේ දමන Post වලට මිතුරන් ටැග් කිරීම පමණි. ඒවායින්ද කරදර නැත්තේම නොවේ. නමුත් ඒවා කලකට පෙර සිටම පැවත එන බැවින් ඒවා ගැන දැන් කථා කිරීම නිශ්ඵලය. එම නිසා ඒ ගැන කරන කතාව නවත්වා තොප අලුතින් හඳුන්වා දුන් Comment Tags පිලිබඳ කතා කිරීමට මම කැමැත්තෙමු.

  අප ඉස්සර යහලුවෙකුට පමණක් වලංගු වන ලෙස කමෙන්‍ටුවක් දැමීමට ඕනේ අවස්ථාවකදී යතුරු පුවරුවේ @ ලකුණ ඔබා සාමාන්‍ය කමෙන්‍ටුවක් ලෙස එය පල කලෙමු. යහලුවාට එය ලැබුනේද සාමාන්‍ය කමෙන්‍ටුවක් මෙනි. එනිසා යහළුවාට එය තමන්ට කියූ දෙයක්ද, නැති නම් වෙනත් අයෙකුට කිවූ දෙයක්ද යන්න දැන ගැනීමට හැකි වූයේ එයට ගොසින් මය. නමුත් අලුත් වැඩි දියුණු කිරීමත් සමඟ අපට යහළුවාට විශේෂයෙන්ම දැන ගත හැකි වන පරිදි කමෙන්ට් දැමීමට හැකි වී ඇත. එය මා දකින පරිදි මෙහි ඇති එකම වාසියයි. නමුත් මෙහි අවාසි බොහෝමයකි.

  ඉන් එකක් නම් යම් දෙයකට කමෙන්ට් දැමීමේදී එය අපට Notification එකක් ලෙස එයි. තවද එයටම තවත් කෙනෙක් තමාව ටැග් කර කමෙන්ට් එකක් දැමුවහොත්  *** metioned you in comment ලෙස තවත් Notification එකක් පැමිණේ. අවසන එකම ස්ථානටට යෑමට Notification දෙකකි. මෙය මා සිතන විදිහට බොහෝ දෙනෙකුට  වදයකි.

  ඉතිං මම තොපට මෙය අවලංගු කරන ලෙස නොකියමි. හැකි නම් අපගේ Settings වලට අපව තවත් අයෙකුට ටැග් කිරීමට හැකි වන හෝ නොහැකි වන ලෙස අලුත් පහසුකමක් යොදන්නේ නම් මැනවි. එය මෙම පහසුකම අවලංගු කර දමනවාට වඩා සාර්ථක වනු ඇත.

  තවද මේත් සමඟ ඔබට මතක් කිරීමට තවත් දෙයක් ඇත. ඔබ මේ මූනුපොතට එක් කරන මේ පහසුකම් අතරේ MP3 ෆයිල්ද දැමීමට හැකි වන ලෙස පහසුකමක් යෙදීමට හැකි නම් ඉතා අගනේය.

  මේ කිසිම දෙයක් ඔබ වැනි කඩු වනන්නෙකුට නොතේරෙන බව දනිමි. තොප ලඟ සිටින ලංකාවෙන් ගිය පුද්ගලයා ලවා කියවාගෙන මෙය ක්‍රියාත්මක කිරීමට හැකි නම් එය අප මහත් උපකාරයක් කොට සලකමු.

                                                                                                                අදත් විමසුම පිටපත මහින්ද අබේසුන්දර මාමාගෙන් :P